Dís smáhýsi
Dís smáhýsin eru á friðsælum stað við utanverðan Grundarfjörð á Snæfellsnesi. Þaðan er gott útsýni yfir Breiðafjörð og fögur fjallasýn en Kirkjufellið blasir við handan fjarðarins. Húsin eru glæný með stílhreinum innréttingum og öllum helstu þægindum.
Sumartilboð 2020
Í sumar verður boðið upp á tilboð á gistingu í smáhýsunum á Þórdísarstöðum.
Ein nótt í tveggja manna smáhýsi: 15.000 krónur
Tvær eða fleiri nætur í tveggja manna smáhýsi: 10.000 krónur nóttin.
Ef leigð eru fimm hús eða fleiri er möguleiki á sérstöku hópatilboði - vinsamlegast hafið samband við saemundur@discottages.is eða í síma 892-7746 (Sæmundur).
Ekki er boðið upp á morgunmat á Þórdísarstöðum en það er aðstaða í hverju húsi, sjá nánar í lýsingu á smáhýsunum. Grundarfjörður og Snæfellsnes hefur upp á margt að bjóða, s.s. gönguferðir, jöklaferðir, kajaksiglingar, hvalaskoðun, hestaleigu og góða matsölustaði. Þá er Þjóðgarðurinn Snæfellsfjökull í aðeins um 30 km fjarlægð frá Þórdísarstöðum og þar eru margar náttúruperlur og áhugaverðir staðir að skoða. Við getum aðstoðað við skipulag og undirbúning ferða á svæðinu - hafið samband við Sæmund (s. 892 7746 eða í tölvupósti).
Af hverju að velja Dís smáhýsi?
Friðsælt og fallegt.
Dís smáhýsin eru tilvalin fyrir þá sem vilja slaka á og njóta náttúrunnar. Umhverfið er fallegt, staðurinn er utan alfaraleiðar og þar er því rólegt þó að stutt sé í þjónustu bæði í Grundarfirði og Stykkishólmi.
Frábær staðsetning
Dís smáhýsin standa á friðsælum og fallegum stað og liggja vel við skoðunarferðum um Snæfellsnes.
Nútímaþægindi
Dís smáhýsin eru nútímaleg og þægileg, með stórum gluggum og góðri verönd. Þaðan er víðsýnt og gestir eru í mikilli nálægð við náttúruna. Í hverju húsi eru uppbúin rúm, gott baðherbergi og eldunaraðstaða.
Smáhýsin
Húsin standa tvö og tvö saman. Hvert hús hefur sérinngang og eigin verönd með húsgögnum. Gluggarnir eru stórir svo húsin eru björt og útsýni mikið. Í hverju húsi er uppbúið tvíbreitt rúm, setkrókur með hægindastólum og eldhúskrókur með litlum ísskáp, rafmagnskatli, kaffivél og brauðrist auk örbylgjuofns og lítillar hellu. Í skápum eru nauðsynlegustu eldhúsáhöld. Baðherbergið er með góðri sturtu. Handklæði, hárþurrka og hreinlætisvörur fylgja.
Tvö húsanna eru örlítið stærri en hin. Í þeim er sami búnaður og í hinum en eldhúskrókurinn er stærri og þar er tvíbreiður svefnsófi þannig að þau geta rúmað allt að fjóra gesti.
Jason Miller
Andrea Flow
Jack Cold
Tom Pattr
Tom Pattr
Jack Cold
Jason Miller
Andrea Flow
Nútímaleg
Stórbrotið útsýni
Rúmgóð
Í hnotskurn
Í hnotskurn
Rúmgóð
Stórbrotið útsýni
Nútímaleg
Myndir
Dís smáhýsin eru á Þórdísarstöðum
Þórdísarstaðir eru á norðanverðu Snæfellsnesi. Þeir standa í hlíð vestan undir Eyrarfjalli, þaðan er mikið og fallegt útsýni og Kirkjufellið blasir við handan Grundarfjarðar. Bærinn er nefndur eftir Þórdísi Súrsdóttur, systur Gísla Súrssonar.
Enginn búskapur er nú stundaður á Þórdísarstöðum.
Nánasta umhverfi
Það tekur aðeins 5-10 mínutur að aka til Grundarfjarðar. Þar eru veitingastaðir, kaupfélag, sundlaug og ýmis ferðaþjónusta. Hálftíma akstur er austur í Stykkishólm, en þaðan gengur ferjan Baldur til Flateyjar og Vestfjarða. Þjóðgarðurinn Snæfellsjökull er á utanverður nesinu og þangað er um hálftíma akstur í vestur frá Þórdísarstöðum.
Staðsetning
Dís smáhýsin eru á Þórdísarstöðum, í nágrenni Grundarfjarðar. Staðsetningin er hentug fyrir ferðalög um Snæfellsnes og Vesturland. Falleg náttúra, stórfenglegt landslag og ótal tækifæri til útivistar og ævintýra er að finna í grenndinni.
Akstursleiðbeiningar að Dís smáhýsum.
Vinsamlegast fylgið eftirfarandi leiðbeiningum að Dís smáhýsum. Munið að taka vinstri-beygjuna á gatnarmótum við veg 576 .
Hafa samband
Ekki hika við að hafa sambad ef þú hefur einhverjar spurningar varðandi Dís smáhýsin.
Netfang
Símanúmer